American Mountain
climber William Bill Holland.
Inilantad ng isang glacier sa
Canada ang isang preserbadong katawan ng American climber na 21 taon nang
nawawala. Natuklasan ng dalawang hikers doon ang katawan ni William
Bill Holland, 39-anyos, isang geologist ng Gorham, Maine, USA na
nagmistulang ilado sa loob ng natutunaw nang yelo. Ang dalawa sa hikers na
nakadiskubre sa labi ng kelot sa Dome Glacier ay sina Adam Pahal, 23-anyos mula sa Bomere Heath malapit lamang sa
Shrewburyat at si Matt Shantz.
Nawala si Holland noon pang Abril
3, 1989 nang umakyat (hiking) sa isang delikadong ruta sa Slipstream. Ito'y
isang nagyeyelo ng waterfalls sa isang 11,338 talampakang taas ng talampas na Snow
Dome sa Columbia Icefields (Jasper Park sa Alberta ) ayon sa ulat ng CBC News. Ang Parks
Canada rescue specialist na si Garth Lemke ay nagpahayag sa The Canadian Press
news service na ang naturang glacier ice na tumatakip sa iladong katawan ni
Holland ay natunaw na anupa’t lumikha iyon ng kakatwang senaryo.
“Nang mga sandaling nakita namin ang katawan ni Holland ay hindi namin
naisipan na hatiin ang glacier upang ilabas siya doon. Nananatili pa rin kasi
siyang buo dahil sa nailado siya ng halos 21 taon. Maging ang kanyang mga suot
na spike boots ay buo pa rin. Anupa’t nagmistulang mummified siya na nasa loob
ng yelo. ” pahayag ni Lemke sa News Service.
Sinabi pa ni Lemke na ang ruta ng
Snow Dome ay lubhang mapanganib at
ilang katao na rin ang nasawi habang inaakyat ang Slipstream. Sinasabing 3 pa ang kasama ng kelot sa naturang hiking
ngunit bumigay si Chris Dube dahil sa
masamang lagay ng panahon noong buwan ng Abril 1989.
Ang dalawang kasamahan ni
Holland na nagpatuloy sa naturang pag-akyat ay bumigay din. Kung kaya nagpasya
na silang bumaba dahil sa tindi ng lamig. Kalaunan, narating ng tatlong lalaki
ang highway at doon ay humingi sila ng
tulong.
Nang sumunod na araw, saka pa
lamang dumating ang mga rescuer at natuklasan nilang ang lunan na kinaroroonan
nina Holland ay nabagsakan at sinira ng ice fall o ng avalanche. Kung kaya,
iniulat na ng The Canadian Press na
ang mga labi ni Holland ay nabaon sa yelo. Sinabi naman ni Steve Blake ng parks of Canada sa The Citizen na si Holland ay isang mountainist kung kaya ito ang
nag-uudyok sa kanya upang umakyat sa mga bundok kahit nababalutan pa iyon ng
yelo.
Mga Komento
Mag-post ng isang Komento