ANG REAL-LIFE HANAMICHI SAKURAGI

Marahil batid ng ilan sa atin lalo na ang mga basketball fans kung sino si Hanamichi Sakuragi. Siya lang naman ang pinakabida sa basketball anime na Slam Dunk. Siya ang pinakasikat sa Shohoku Team at tinaguriang ‘Henyo’ at ‘Hari ng Rebound’. 

Kung lilimiing mabuti, maaasahan talaga sa rebound si Sakuragi at magaling din sa depensa. Kapag umopensa naman, siguradong highlights ito dahil ang lupit niyang dumakdak.

Pero,alam ba ninyo na ang naturang cartoon character ay talagang umiral sa tunay na buhay.Isang totoong persona. Dahil ang pangalang Hanamichi Sakuragi ay talagang eksistido.  Nang gawing anime ang kanyang buhay ay iniba ang ilan sa mga pangyayari sa kanyang talambuhay.

Ang Sakuragi sa tunay na buhay ay ipinanganak sa bansang Japan noong taong 1968 na mula sa simpleng pamilya lamang. Ang kanyang nanay ay pumanaw noong siya’y musmos pa lang. At dahil sa kinalakihan niya na walang kinagisnang ina, nasabak sa basag-ulo si Sakuragi upang may mapagbuhusan ng sama ng loob at mga problema sa buhay. 

Sadyang matangkad na siya sa edad na 12-anyos kumpara sa kasing-edad niyang mga bata na pumapalo sa taas na 5’10 na talampakan. Kung kaya,kapag nakipagbangasan ng mukha ay no match ang kayang mga kaaway sa pakikipagbasag-ulo.

Minsan, nakipagsuntukan siya sa mga estudyante sa University of Tokyo. Ang kanyang angas at tikas sa pakikipagsuntukan ay nakapagbigay ng interes sa isang coach ng basketball team roon. Si Sakuragi kasi, bukod sa matangkad na, mabilis pang kumilos at maganda ang built ng pangangatawan. Inalok ng coarch si Sakuragi na sumali sa basketball team.

Noong edad 17 na siya, isang practice game ang ginanap laban sa National Team of Japan. Pumapalo na noon ang taaas ni Sakuragi sa 1.89 metro o katumbas ng 6’2 talampakan noong nasa High School siya. Hindi takot si Hanamichi kahit professional pa ang kanyang kalaban.

Katunayan, humakot siya ng 33 puntos sa  10 jump shots, 3 blocks, 1 three point shot, at isang tira na hindi basta maipaliwang  kung ano iyon. Kumana rin siya ng 2 free throw shots, at 3 dakdak o dunks. Sa totoong buhay, isang offensive player si Sakuragi na kabaligtaran sa palabas na cartoon. Natalo ang kanyang koponan sa score na 59- 115. Gayunpaman, marami ang humanga sa ipinakita ng isang bagito sa larangan ng basketball.

Nang 18-anyos na siya, nagkasakit ang kanyang tatay. Nagbalik uli sa Tokyo si Sakuragi upang dalawain sa ospital ang amang maysakit. Sa kasamaang palad, habang papatawid na siya sa kalsada ay nasagasaan siya ng kotse. 

Malakas ang impact kung kaya nawalan ng malay si Sakuragi. Habang dinadala siya sa ospital ay dead-on-arrival na siya dahil sa internal hemorrhage, bago siya dalhin sa operating room.  Sa edad na 18-anyos, pumanaw na si Sakuragi.

Malaki ang panghihinayang ng Japanese Basketball sa kanyang pagpanaw. Kasi, nakikita nilang malaki ang magagawa ni Sakuragi sa kanilang koponan patungo sa inaasam na World Basketball Championship at Olympics. At tinitingnan nila ang senaryo na si Sakuragi ay makakapasok sa NBA. Kung nagkataong buhay siya, makakasabayan niya si Michael Jordan. 

Ang talambuhay ni Sakuragi ay ginawang Manga Comic series ni Takehiko Inoue. Kalaunan, dito na nga naisilang ang cartoon na Slam Dunk. Sa naturang anime, kengkoy si Sakuragi. Sadyang ginawang ganun ang karakter niya upang pagtakpan ang kalungkutan sa likod ng buhay ng Henyo at Hari ng Rebound.