Lumaktaw sa pangunahing content

KOREAN TELE-NOBELA, BAKIT MALAKAS ANG HATAK?

Ang Korean Tv series na Mr. Sunshine( K Pop Wiki/FB Page)

Bakit marami ang naho-hook-up sa mga palabas o teleseryeng mula sa Korea? Bakit kilig na kilig ang mga Pinoy fans sa kanila? Batay sa isinagawang pananaliksik ng blog na ito, may kinalaman ang istorya, fashion, plot at pagganap ng mga artista sa mga nasabing palabas.

Hindi gaya sa mga Pinoy soap operas, ang istorya ng Korean (South Korea) ay mababaw lang. Pero may dating at laman, walang gaanong api-api at patayan.

Marahil, nauumay na rin ang mga Pinoy sa karaniwang plot ng Pinoy soap opera na labis ang pang-aapi ng kontrabida--- at mas alam pa ang viewers ang conflict ng istorya kumpara sa mga nagsisiganap. Di gaya ng sa Korea, na mahirap alamin kung anong mangyayari. Stress na nga raw ang mga Pinoy, makakapanood pa sila ng mga api-apihan na palabas. Isa pa, hook-up ang fans sa fashion statement ng Korea, kaya ganun na lang ang pagkahilig ng mga ito.
GADGETS, PWEDENG I-SWAP SA ALAGANG HAYOP
Kayo po ba ay may alagang tupa? Aba huwag maliitin yan at baka mabili mo ang gadgets na gusto mo gaya ng laptops, computers, cell phones iPad at iba pa. Kaya kahit wala kang malaking alat, tiyak na magkakaroon ka basta may tupa ka lang. Sa China, may isang  29-anyos na kelot sa Xinjiang Uygur autonomous region ang nagbebenta ng mga gadgets. 

Kung walang sapat na pera ang bibili, tinatanggap niya ang mga tupa bilang alternatibo. Ito ay si Jie Huang na tumatanggap ng tupa bilang bayad. Halimbawang kulang kulang ang pera mo at hindi sapat ang tupa sa target na gadget, puwedeng remedyuhan iyan. Halimbawa, gusto mong bumili ng Ipad pero isa lang ang tupa mo, puwedeng dagdagan iyan ng pera o cash on hand. Vice versa. Kung kaya, tumataas ang value ng isang tupa. Pag may ganito sa Pinas, mag-aalaga na ako niyan saka ng kambing. Teka, hindi kaya gagamitin ang tupa sa stem cell therapy?


WWE WRESTLEMANIA EVENT NA MAY PINAKAMARAMING AUDIENCE

Sa mga wrestling fans, malapit na ang WWE Wrestlemania. Pero, alam nyo ba na ang naitalang pinakamaraming miron na naging attendance ng nasabing okasyon? Ito ay ang Wrestlemania III noong Marso 29, 1987 na idinaos sa Pontiac Silverdome sa Pontiac, Michigan.

Kung saan, 93, 173 katao ang audience. Tampok sa nasabing Wrestlemania event ang laban nina Hulk Hogan at Andre the Giant para sa WWF championship. Gayunman,pinabulaanan ito ng iba, na kanilang sinasabi na malapit-lapit sa 78,000 katao ang attendance. Ang laban nina Hogan at ni Andre ay tumagal ng 12 minuto--- na nagtapos sa pagbuhat ng una sa 520 pound na higante, at pagkatapos ay ni-leg drop. Ang guest ring announcer noon ay si retired World Series Champion Bob Uecker at ang timekeeper ay si dating Entertainment Tonight host Mary Hart.
Mga etiketa:

Mga Komento

Mag-post ng isang Komento

Mga sikat na post sa blog na ito

TATLONG BALANG NA MAY MUKHA NG TAO!

Atin illahad pa ang ilan sa mga propesiya na nakasaad sa ‘Prophecy Code’ na nakasaad din sa ‘The Book of Mysteries’ . Kapag iyong binasa ang ilan sa mga nakasulat sa propesiya ni Nostradamus, at ng nakasaad sa Biblia, may pagkakahawig.  Ang mga hula na nakasaad sa naturang aklat o kalipunan nito ay walang tiyak na pinatutungkulan o maligoy ang pinatutungkulan nito. Hindi rin sunod-sunod na natupad. Kaya lamang, kapansin-pansin ang na kapag nilimi mo ang mga kaganapan noon sa mga nakalipas na panahon lalo na noong ika-20 siglo, puwede mong iugnay  ito. Puwede kasing pagbatayan ang bawat tala na nakasulat sa mga pangyayari at aakalin mong natupad nga. Pero, ang mga tala na kinopya lamang sa Banal Na kasulatan ay walang sablay dahil nakatakda naman talagang mangyari. Narito ang ilan pa sa mga propesiya. -           “ Tatlong balang na may mukha ng tao ang magbibigay ng kaabahan sa tatlong yugto ng panahon. Sila ay makapang...
1 komento
Magbasa nang higit pa

MGA LIHIM SA PLANETANG SATURN

Ang planetang Saturn ay siyang planeta sa ating sistemang solar na may singsing sa palibot nito. Kaya naman, ipinagtataka noon ng mga nagdaang astronomo kung bakit ito lamang ang planeta na may singsing sa palibot. At ang matindi, ito ay parang mga string ng gitara na nahilira sa isang mas malaking ring. Ngunit, nitong mga nagdaang dekada, natuklasan na rin sa planetang Jupiter, Uranus, at Neptune na may singsing din. Pero, mas angta ang ganda ng Saturn kumpara rito. Noong 1610 , pagkatapos na ma-diskubre ni Galileo Galilei ang planetang Jupiter gamit ang sariling imbentong teleskopyo, pagpihit niya nito sa bandang tinugan ay natuklasan niya ang pambihirang planeta. Namangha si Galileo. Aniya, walang kagayang planeta sa taglay na kagandahan ng Saturn dahil sa singsing nito. Sa pag-unlad pa ng ika-17 siglo sa larangan ng optics, mas lalong naging detalyado pa ang hitsura ng naturang planeta kapag tiningnan sa teleskopyo. Ninais ni Galileo na sabihin sa bawat tao ang kan...
Mag-post ng isang Komento
Magbasa nang higit pa

MGA PUMALPAK NA DOOMSDAY PROPHECY

Noon pa man ay hinuhulaan na ng mga kinauukulan ang katapusan ng mundo. Sapol pa noong unang siglo ay hinulaan na ng ilan ang magaganap na katapusan ng daigdig. Pero, nangyari ba? Hindi. Pero, ito ay may kinalaman lamang sa pagbabagong nagaganap sa singsing ng planetang Saturn na nagdudulot ng masamang kaganapan sa earth. Ang mga awtoridad kasi na mga ito ay naghahayag ng propesihiya upang ituring silang magagaling. Ngayon, ating tatalakayin ang mga ilang propesihiya na pumalpak at mga pangyayari sa kasaysayan na inakala ng iba na siya na ngang katapusan ng daigdig. Nagkataon naman na ang pinagbabasehan nilang pagbabago sa kalawakan ay nagkaroon ng kaugnayan sa earth sa paraang negatibo. Sa loob ng pag-aaral sa mahigit 600 taon, ang teorya sa Saturn’s Ring kaugnay pa ng ilang kaganapan sa kalawakan ay naging batas na ng ilang manghuhula gaya ni Nostradamus.   Eruption ng Mount Vesuvius - Noong 79 AD, pumutok ang naturang bulkan. Inakala ng iba na ito na ang katapusa...
Mag-post ng isang Komento
Magbasa nang higit pa