Lumaktaw sa pangunahing content

"Masaya ka ba sa ginagawa mo? OO"---THORRE



May mga taong nagsasabi sa amin, na--- bakit pa kami nagbanda ngayong may mga sarili na rin kaming pamilya?Bakit daw hindi na lang namin piliing magtrabaho at kumita ng pera upang mapunan ang pang araw-araw na pangangailangan ng pamilya, (kasi nga raw walang pera sa banda).

Ang tanong namin, ang pagbabanda po ba ay hindi maituturing na trabaho’t propesyon? Oo nga’t maliit ang pera’t minsan nga ay wala sa kadahilanang mabigat ang kompetisyon sa industriya ng musika.

Subalit, hindi masusukat ng ano mang kayamanan ang kaligayahang nagagawa mo ang gusto mo, sa paraang hindi maiintindihan ng ilan. Ang tagumpay sa katuparan ng bawat pangarap ay hindi nakakamtan ng buong sipag ng magdamag lamang, sakripisyo ng isang araw lang, pagtitiyaga ng isang linggo lang o pagpupursigi ng ilang buwan lamang.
Ang hindi pagsuko sa proseso ng paghulma sa tagumpay--- ay ang sikreto sa katuparan ng bawat pangarap.

Ganito sa musika o anumang larangan ang iyong pasukin. Sasabihin sa 'yo ng mga taong tulog ang utak na “Wala kayong mararating sa pagbabanda nyo” ---dahil nakikita lang nila kung ano ang nais nilang makita nila ngayon, at pikit ang mata para sa bukas at sa hinaharap mo na maaaring magtagumpay ka dahil sa pagsusumikap mo kahapon.
Alam namin na may mararating kami. 

Alam namin sa sarili namin na magbubunga ang lahat ng aming pagsusumikap sa larangang pinili namin (Musika). Alam naming iniintindi kami ng aming mga sariling pamilya, dahil ang lahat naman ng ito ay para rin sa kanila. At kung kami naman ay mabigo, wala kaming paki dahil hindi naman kami naniniwala sa idelohiya ng kabiguan. Sapagkat palaging may puwang ang improvement sa bawat kinakaharap na mga pagsubok.

Hindi kami reklamador at hindi kami marunong sumuko sa bawat laban ng buhay, marami mang problema ok lang natural yun dahil nabubuhay tayo.

“Ang buhay ay hindi karera, maaaring mauna ka ngayon at mahuhuli ka naman bukas. Walang kalsadang pantay lang, kailangan mong umahon at lumusong hindi pwedeng kung saan ka ligtas ay dun ka nalang ang importante ay sumubok ka at ginawa mo ang dapat mong gawin sa buhay mo na nagpapasaya sayo mahirap mag sisi sa huli at hinding hindi mo na yun mababawi.”
Tatanungin kita, "masaya ka ba sa ginagawa mo?”

Kapag tinanong mo kami ng ganyan, dalawang letra lang maisasagot namin--- “OO”.
-THORRE

 Ang artikulong ito ay halaw sa pahayag ng bandang Thorre Ph  sa kanilang Facebook Page noong Agosto 19, 2019.



Mga etiketa:

Mga Komento

Mag-post ng isang Komento

Mga sikat na post sa blog na ito

ANG LITERAL NA PAGKATUYO NG ILOG EUFRATES

Ang pagkatuyo ng ilog Eufrates na binabanggit sa Apocalipsis 9:12-13 ay may dalawang katuparan, l iteral at espirituwal.   Ating lilimiin ngayon ang tungkol sa talatang 9:12-13 ng aklat ng Apocalipsis na sinasaad nga roon na ang isang anghel na may hawak na mangkok ay ibinuhos ito sa Ilog Euftates at ang naturang ilog ay natuyo.   Pagkatapos nito, dumaan sa tuyong ilog ang mga hari mula sa silanganan o sikatan ng araw na kung saan ay nagsilbing daraanan nila. Ano ang ibig sabihin nito?  May dalawang uri ito ng kahulugan. literal at espirituwal. Kung susundin ang literal na pakapahulugan, totoong natuyot ang naturang ilog sa kasaysayan. Ang naturang ilog na may habang 3000 kilometro ay isang Great River System sa Timog- Kanlurang Asya na dumadaloy at basin area sa pagitan ng mga bansang Turkey, Iraq, Syria, Kuwait, Saudi Arabia at sa Persian Gulf. Dahil sa nangyari ay nagdurusa ang bansang Iraq, partikular sa Jubaish dahil...
1 komento
Magbasa nang higit pa

FIA RADIO, SANDALAN NG MGA INDIE ARTISTS

Maraming indie artists ang mayroong magagandang kanta. Subukan n’yong magpatugtog araw-araw ng indie songs, siguradong malalaman ito at makikilala husto ng mga tao. Subali’t ilan lang ang mga radyong na nagbibigay ng pagkakataon  sa  mga maliliit na musicians. Gayunman, hindi rin mapigilan ang pag-angat ng mga ganitong awitin dahil talagang kusang nadidiskubre ng ilang Pilipino na mahihilig  sa  music ang kanta mula  sa  indie artists. Kung kaya, na-a-appreciate na nila ang tunog Indie.  Sa  katunayan, may ilang radio stations ang nag-iimbita na ng mga indie artists upang tumugtog  sa  kanilang programa--- at pinatutugtog na rin ang kanilang mga awitin. Isa na nga rito ang Filipino Indie Artists (FIA) Artists, Radio, na pinamamahalaan ng mga taong may magandang adhikain  sa  mga indie artists. Ang naturang online radio ay pinamamalakad ng mga admins  sa  nabanggit d...
4 na komento
Magbasa nang higit pa

‘SILVER SPIRIT FANTASY’ (EP Album ng Zionchillers)

Kahit masyadong hectic ang schedule ng bandang  Zionchillers , hindi sila gaanong nakaka-rehearse ng kanilang mga kantang ire-record noon na kasama  sa  kanilang EP  Album  na  “Silver Silver Fantasy” .  Pero, dahil  sa  pagpupunyari,  sa  wakas, nagbunga ang halos 4 years na paghihintay upang mabuo ang album. Sa  ilalim ng Indie Pinoy label, nai-released ang nasabing album nitong nakaraang Agosto 9, 2019  sa  digital stores gaya ng Spotify, Itunes, Apple, Deezer, Tidal at iba pa. Ang ‘Silver Spirit Fantasy’ EP album ay naglalaman ng 5 tracks, kabilang ang Hahayaan, Do Yah, When I Marry You, Kung Hindi Man at Kumikislap. Nagpapasalamat ang grupo  sa  achievement na kanilang natamo. “ Una, nagpapasalamat tayo  sa  Panginoong Diyos dahil  sa  tagumpay na ibinigay Niya  sa  amin.  Sa  lahat ng taong tumulong at naging bahagi ng album, kay sir Nolit Abanill...
3 komento
Magbasa nang higit pa