Atin illahad pa ang ilan sa mga propesiya na nakasaad sa ‘Prophecy Code’ na nakasaad din sa ‘The Book of Mysteries’. Kapag iyong binasa ang ilan sa mga nakasulat sa propesiya ni Nostradamus, at ng nakasaad sa Biblia, may pagkakahawig. Ang mga hula na nakasaad sa naturang aklat o kalipunan nito ay walang tiyak na pinatutungkulan o maligoy ang pinatutungkulan nito. Hindi rin sunod-sunod na natupad.
Kaya lamang, kapansin-pansin ang na kapag nilimi mo ang mga kaganapan noon sa mga nakalipas na panahon lalo na noong ika-20 siglo, puwede mong iugnay ito. Puwede kasing pagbatayan ang bawat tala na nakasulat sa mga pangyayari at aakalin mong natupad nga. Pero, ang mga tala na kinopya lamang sa Banal Na kasulatan ay walang sablay dahil nakatakda naman talagang mangyari.
Narito ang ilan pa sa mga propesiya.
- “Tatlong balang na may mukha ng tao ang magbibigay ng kaabahan sa tatlong yugto ng panahon. Sila ay makapangyarihan at sa usok na binubuga nila mula sa kanilang bibig ay maraming tao ang nalipol”. (Prophecy 13).
Sagot: Ang balang ay tumutukoy umano kina Adolf Hitler, Joseph Stalin, at Mao Ze Dung. Na sa kanilang diktaturya’y maraming tao ang nasa balag ng alanganin at marami ang pinapatay. Ang naturang 3 balang ang naitala sa sa kasaysayan na may pinakamaraming ipinapatay na indibidwal noong kanilang diktaturya.
- Sa mga huling yugto ng panahon at sa mga huling araw, ang karunungan ng tao ay uunlad. Mula sa himpapawid ay masisilayan ang dambuhalang ibon na gawa sa bakal . Anupa’t paroo’t parito ang mga tao”. (Prophecy 14/ May pagkakahawig sa hula ng talatang 12:4 ng aklat ng propetang si Daniel).
Sagot: Katuparan ito ng pagkaka-imbento ng sasakyang panghimpapawid na eroplano na pinalinang ng magkapatid na Wilbur at Oliver Wright noong taong 1903. At mula sa pagkakalinang na iyon ay napaunlad ang naturang imbensiyon na siyang nakikita natin sa panahon ngayon.
- Ang makapangyarihang sampu na titingalain sa balantok (sa ibabaw) ng lupa. Ang mga bansang ito ang siyang sampung haligi ng mga tao sa daigdig. Para silang mga lobong kinatatakutan at parang mga osong mabangis sa kagubatan. (Prophecy 15).
Sagot: Tinutukoy dito ang 10 makapangyarihang mga bansa na daigdig sa panahon natin ngayon. Batay sa pananaliksik, ang mga nasyong Estados Unidos, China, Russia, Britanya, Pransiya, Alemanya, Japan, India, at Iran ang siyang kontemporaryong tala ng 10 makapangyarihang nasyon sa daigdig batay sa kani-kanilang aspeto. Ang talang ito ay pinagtatalunan din ng iba at dapat din daw mapasama ang mga bansang Brazil, Pakistan, South at North Korea, at Israel sa listahan. Kumpurmi siguro sa bawat aspeto.
- “Dalawang dambuhalang ibon ang sumalpok sa dalawang haligi sa isang lupain sa Kanluran. Sumabog umusok noong ika- 11 araw ng ika- 9 na pag-inog ng mga buwan. Kaabahan…kaabahan nga… sapagkat ang daigdig ay natikmak ng dugo ng karahasan.” (Prophecy 16).
Sagot: Ang mga hulang ito ay nakasaad din sa talalan o Quatrain ni Nostradamus, Bulgarian prophet na si Baba Vanga at iba pa. Sa orihinal na salin ay medyo Malabo at maligoy Ang nakasaad sa propesiya at noong ito’y isinalin, isinulat lamang sa paraang medaling maunawaan at maintindihan. Tinutukoy ditto ang 9/11 Terrorist Attack sa Twin Towers at Pentagon sa New York noong ika- 11 ng Setyembre 2001.
Nice article.
TumugonBurahin