Lumaktaw sa pangunahing content

KAGANDAHANG TINADTAD NG BALA

 Mata Hari.

Ating tatalakayin muna ngayon ang tungkol sa mga babaeng espiya na ginamit ang kanilang alindog upang mapalakas ang opensiba at malalan ang galaw ng  mga kalaban. Narito ang ilan sa kanila na kilala sa kasaysayan.

Isabella Marie Boyd (Mayo 9, 1844- Hunyo 11, 1900) Nancy Wake ng Pransiya- (Agosto 30, 1912), Margaret Kemble Cage ng New Jersey (1734-1824),   Josephine Baker,  (June 3, 1906 – April 12, 1975), Knor Inayat Khan, ng India ( Enero 1, 1914- Setyembre 13, 1944), Anna Chapman, ng Russia (Pebrero 23, 1982).

Violette Zhabo ng Pransiya (Hunyo 26, 1921- Pebrero 5, 1945), Liu Luhan ng China (1932-1947), Charlotte de Sauve ng Pransiya ( c 1551- Setyembre 30 1617).

Pero, ang pinakatampok sa kanila ay ang bebot na si  Margaretha Geertruida "Grietje" Zelle, na kilala sa bansag na  Mata Hari. Sadyang pinapantasya ng mga kelot ang naturang babae at kinaiingitan ng tulad niyang kabaro ni Eva. Ipinanganak sa Leeuwarden noong ika- 7 ng Agosto 1876. Isang pamosong Dutch exotic dancer, hostess, at inakusahang espiya na hinatulan ng firing squad sa France dahil sa paniniktik para sa Germany noong World War I.

Ang kanyang bantog na ginawa ay ang paglalakbay sa mga ilang siyudad sa Europa na kung saan ay naging courtesan siya ng isang makapangyarihang lalaki sa gobyerno at ng militar. Ang kanyang mga naging relasyon at koneksiyon sa mga makapngyarihang mga lalaki sa gobyerno ay nakakapagbigay sa kanya ng passes sa international boarders. Tungkol sa World War I, siya’y naging markado bilang artist at isang free-spirited Bohemian. Ngunit, nang kasagsagan ng digmaan, ang kanyang imahe sa ilan ay isang hindi maingat, pakawala, at immoral na babae. Nakilala rin siya bilang dangerous seductress o mapanganib na tukso.

Nang kainitan ng World War I, inakusahan siya ng mga Pranses na nag-eespiya at nagbibigay ng datus pabor sa mga Aleman. Pero, lumabas din na kinokros-ober nito ang mga Aleman pabor naman sa mga Pranses. Noong Enero 1917, ang German military ambassador sa Madrid ay nag-transmit ng mensahe sa radio sa Berlin na naglalahad ng magandang aktibidaddes ng German Spy na may code-named na H-21.

Nasagap naman ng French intelligence agents ang naturang mensahe at ang mga impormasyon na nagsasabing si Mata Hari ang naturang agent H-21. Ang kakatwa, ang mensahe sa naturang code na batid ng German intelligence ay nasira na ng mga Pranses na nagbigay sa mga historians na ang naturang mensahe ay peke. Kalaunan, ay sinubukan siya sa gawaing pag-e-espiya at natuklasang guilty. Siya ay ginawaran ng Firing Squad bilang parusa noong ika-15 ng Setyembre 1917 sa edad na 41-anyos.

Nang tuluyang matapos ang WWI, inamin ng mga Pranses na wala silang matibay na ebidensiya laban sa bebot. Ang konklusyon tuloy ng ilang modern day historians na kaya siya pinagbabaril ay hindi dahil sa pagsasagawa ng Honey Trap Operation. Kundi, siya ay nagbibigay ng mensahe sa ilang kababaihan na baka sumunod sa kanyang yapak.
Mga etiketa:

Mga Komento

Mag-post ng isang Komento

Mga sikat na post sa blog na ito

NOEL BERNALDO (Paglaot at Paglipad sa Larangan ng Musika) 1

Namulat ako sa revolution era dahil taong 1977 ako ipinanganak. Lumaki ako na napakikinggan kong music ay revolution music din tulad ng Asin, Heber Bartolome at Freddie Aguilar---At marami pang iba kung saan sumasalamin sa totoong nangyayari sa buhay natin.Mahirap lang kami. Karpintero ang tatay ko. Labandera at nagluluto ng kanin ang nanay ko--- anim pa kaming magkakapatid.” “My influence in continue to grow because of my brothers they used to borrow guitar from our neighbors tuwang-tuwa ako ‘pag kinakanta nila ang "Almusal" .  Kasi yun ang totoong kinakain namin.Sabi ko, masarap maggitara. Gusto ko, magkaroon nun balang araw.During elementary years, nangangariton ako. Bote,dyaryo pandagdag baon. Matagal kong ginawa yun. Siguro mga 3 years hanggang sa maka-graduate ng elementary.In that time, feel na feel ko yung kantahin ang "Kuya bente dos anyos na ako.Kaya ko na ang magsolo".” Pakiramdam ko, matured na ko although 12 yrs.old lang naman ako nun--- b...
Mag-post ng isang Komento
Magbasa nang higit pa

MGA LIHIM SA PLANETANG SATURN

Ang planetang Saturn ay siyang planeta sa ating sistemang solar na may singsing sa palibot nito. Kaya naman, ipinagtataka noon ng mga nagdaang astronomo kung bakit ito lamang ang planeta na may singsing sa palibot. At ang matindi, ito ay parang mga string ng gitara na nahilira sa isang mas malaking ring. Ngunit, nitong mga nagdaang dekada, natuklasan na rin sa planetang Jupiter, Uranus, at Neptune na may singsing din. Pero, mas angta ang ganda ng Saturn kumpara rito. Noong 1610 , pagkatapos na ma-diskubre ni Galileo Galilei ang planetang Jupiter gamit ang sariling imbentong teleskopyo, pagpihit niya nito sa bandang tinugan ay natuklasan niya ang pambihirang planeta. Namangha si Galileo. Aniya, walang kagayang planeta sa taglay na kagandahan ng Saturn dahil sa singsing nito. Sa pag-unlad pa ng ika-17 siglo sa larangan ng optics, mas lalong naging detalyado pa ang hitsura ng naturang planeta kapag tiningnan sa teleskopyo. Ninais ni Galileo na sabihin sa bawat tao ang kan...
Mag-post ng isang Komento
Magbasa nang higit pa

MGA PUMALPAK NA DOOMSDAY PROPHECY

Noon pa man ay hinuhulaan na ng mga kinauukulan ang katapusan ng mundo. Sapol pa noong unang siglo ay hinulaan na ng ilan ang magaganap na katapusan ng daigdig. Pero, nangyari ba? Hindi. Pero, ito ay may kinalaman lamang sa pagbabagong nagaganap sa singsing ng planetang Saturn na nagdudulot ng masamang kaganapan sa earth. Ang mga awtoridad kasi na mga ito ay naghahayag ng propesihiya upang ituring silang magagaling. Ngayon, ating tatalakayin ang mga ilang propesihiya na pumalpak at mga pangyayari sa kasaysayan na inakala ng iba na siya na ngang katapusan ng daigdig. Nagkataon naman na ang pinagbabasehan nilang pagbabago sa kalawakan ay nagkaroon ng kaugnayan sa earth sa paraang negatibo. Sa loob ng pag-aaral sa mahigit 600 taon, ang teorya sa Saturn’s Ring kaugnay pa ng ilang kaganapan sa kalawakan ay naging batas na ng ilang manghuhula gaya ni Nostradamus.   Eruption ng Mount Vesuvius - Noong 79 AD, pumutok ang naturang bulkan. Inakala ng iba na ito na ang katapusa...
Mag-post ng isang Komento
Magbasa nang higit pa